Í tilefni af 5 ára afmæli samtakanna verða haldnir stórir viðburðir á vegum samtakanna í samvinnu við Norræna húsið dagana 29. og 30. apríl.

Hið árlega málþing samtakanna, Söguslóðir 2011 verður haldið í Norræna húsinu föstudaginn 29. apríl frá 14:00 - 17:00. Fjallað verður um upplifun og þátttöku gesta í starfi safna og setra og hvernig gesturinn getur ferðast aftur til fortíðar með upplifun á hverjum stað. Aðal fyrirlesarar koma frá Svíþjóð þar sem þau hafa m.a. séð um rekstur á járnaldarstað sem er rekinn með starfsemi fyrir ferðamenn allt árið. Einnig kynnir Listaháskólinn upplifiunarhönnun og verkefni sem snúa að því að færa gestunum söguna á fjölbreyttan hátt í gegnum, hönnun, veitingar og aðra vöruþróun. Þá verða nokkur styttri en einnig mjög áhugaverð erindi.

 

Samtökin hafa fengið starfskrafta til liðs við sig.
Sigrún Hlín Sigurðardóttir, sem er starfsmaður Ferðamálastofu, hefur nú hafið störf fyrir SSF í 25% starfshlutfalli. Hún mun m.a. koma að eflingu samskipta við ferðaskrifstofur og ferðaskipuleggjendur innanlands sem erlendis, gæðamálum SSF, vinna að blaðamannaferðum fyrir samtökin og úttekt á möguleikum söguslóðaferða á Íslandi.  

Þá hefur stjórn SSF gert verkefnasamning við Pétur Jónsson. Pétur mun hafa umsjón með útgáfu bæklinga SSF á árinu, lagfæringum og þróun á heimasíðu samtakanna, vinna að undirbúningi "Söguslóða 2011" í Norræna Húsinu 29.-30. apríl komandi og útvarpsauglýsingum sumarið 2011.

Auk þessara verkefna má nefna að stjórnin er að skoða möguleikana á útgáfu vandaðs CD disks og einnig er stefnt að öflugri þátttöku samtakanna á  bókamessunni í Frankfurt í október.

Samtökin héldu félagsfund að Hvolsvelli dagana 13.-15. janúar sl. Á fundinum voru línur lagðar fyrir starfið á árinu með góðri vinnu í hópum sem tóku á nýsköpun og vöruþróun, kynningar-, fræðslu- og gæðamálum. Félagsmenn brugðu sér síðan að Skógum og fengu leiðsögn hjá Þórði Tómassyni auk þess sem Sögusetrið var heimsótt og snæddur kvöldverður í veislusalnum þar.

Í fundarlok, laugardaginn 15. jan., var undirritaður samstarfssamningur Iðnaðarráðherra.