Lærðu um landnámið 
og víkingana

Sæktu heim söguslóðir 
og fallega náttúru

Upplifðu arfleifð 
okkar og bókmenntir

Njóttu lista 
og menningar

Velkomin á söguslóðir, söfn og setur!

Staðreyndir um íslenska sögu

Álagablettir finnast víða um land. Bændur varast að slá þá sem eru í túnum af ótta við að styggja álfana. Og ef þú gengur í rökkri um hraungrýtisland taka skuggarnir fljótt á sig myndir úr öðrum heimi.

Landvættir Íslands eru fjórar og eiga rætur að rekja til Heimskringlu Snorra Sturlusonar. Þessar yfirnáttúrulegu verur eða andar standa vörð um hvern landsfjórðung. Í suðri er bergrisi ógurlegur. Austurlands gætir eiturspúandi dreki og Norðurlands gammur með gríðarlegt vænghaf. Vesturland er síðan varið af griðungi.

Ísland var ónumið að mestu þegar norrænir Víkingar fluttu hingað á 9. öld. Talið er að keltneskir munkar hafi verið hér fyrir, fólk frá Bretlandseyjum sem sótti frekar í einveru heldur en nýtt land til að nema og yrkja.

Flestir af þeim sem byggðu Ísland í upphafi tilbáðu norræna guði og gyðjur, s.s. Þór, Óðinn, Frey og Freyju. Þessi trú var samt ekki eins og skipulögð trúarbrögð heldur ákváðu einstaklingarnir hvaða guði þeir vildu treysta á.