Snorrastofa í Reykholti

Snorrastofa er menningar­ og miðaldasetur í Reykholti, reist sagnaritaranum, fræðimanninum og höfðingjanum Snorra Sturlusyni (1179–1241) og verkum hans.

Snorrastofa veitir ferðamönnum þjónustu og fræðslu í Gestastofu. Hún er á jarðhæð Reykholtskirkju – Snorrastofu, en þar er sýning um Snorra Sturluson, auk þess sem boðið er upp á styttri og lengri kynningar um miðaldir, Snorra og Reykholt. Þar er einnig rekin verslun með bókum, hljómdiskum og íslensku handverki. Gestastofa veitir almenna upplýsingaþjónustu, sér um tónleika hald  og annast útleigu á aðstöðu Reykholtskirkju - ­Snorrastofu.

Snorrastofa hóf starf-semi árið 1995 og er ætlað að sinna rannsóknum og kynningu á miðaldafræðum, Snorra og verkum hans sérstaklega auk sögu svæðisins. Þar er gott almennings og rannsóknarbókasafn með góðri aðstöðu til fræðistarfa, ásamt skrifstofu og gestaíbúð fyrir fræði og listamenn. Snorrastofa stendur fyrir námskeiðum, fyrir lestrum, ráðstefnum og sýningum. Þá hefur Snorrastofa  gefið út fjölda rita með niðurstöðum rannsókna á sínu sviði.

Merktar gönguleiðir eru um Reykholt og skógrækt svæðisins og hægt er að fá göngukort og staðarleiðsögn í Gestastofu.

  • Tegund: Vikings Heritage Literature

Reykholtshátíð er haldin síðustu helgina í júlí.

Information

Hvernig hægt er að finna okkur



Opnunnartímar

1. maí til 30. september: Alla daga vikunnar kl. 10–18 

1. október til 30. apríl: Virka daga kl. 10–17 

og á öðrum tímum eftir samkomulagi.

<